Guðdómlegt túnfiskpasta

Ég elska gæða hráefni í matargerð.

Um daginn fór ég í Melabúðina til að finna gourmet túnfisk í olíu sem ég frétti að væri bara til þar.  Vinur minn Roberto Tariello sagði mér frá þessu, en hann er ítali búsettur á Íslandi til margra ára.  Roberto framleiðir sínar eigin pulsur og salami sem eru “mind blowing” án efa það besta sem ég hef smakkað á þessu landi.  Ég var að kaupa af honum nokkrar pulsur þegar hann upplýsti mig um að hann er að flytja inn frá Ítalíu stórfengilegann túnfisk í dós  sem ég yrði að prufa & einnig handgert pasta undir hans nafni.

Ég ákvað að prófa að gera túnfiskpasta sem mér finnst alltaf gott að fá mér þegar ég kem til Ítalíu en hafði aldrei masterað það sjálfur.

IMG_3338

Hráefnin

Hérna er uppskriftin að sósunni:

1/2 dós Callipo túnfiskur

1 stk rauðlaukur

5 stk hvítlauksrif eða eftir smekk

1 stk rautt chilli

2 mtsk capers

safi úr 1/2 sítrónu

1 krukka af tómatsósu, ég notaði tómat & chilli sósu frá Jamie Oliver

2 stk tómatar smátt skornir

1/4 hvítvín

IMG_3348

Túnfiskurinn er stórfengilegur

Aðferðin er einföld & fljótleg.

Sjóðið Tariello tagliatelle eða sambærilegt pasta samkvæmt leiðbeiningum þar til að það verður al dente.

Á meðan hitið á pönnu 2 mtsk ólífuolíu, setjið úti í laukinn, hvitlauk og chilli og steikið í nokkrar mínútur. Bætið svo við capers, ,túnfisk, kreystið yfir 1/2 sítrónu & hellið að hvítvínunu yfir.

Leyfið þessu svo að malla í um 5 mín eða þar til hvítvínið hefur soðið niður um 50%. Hellið þá yfir tómatmaukinu & söxuðu tómötunum og látið malla í um 10 mín.

IMG_3352

Túnfiskur, hvítvín, chilli & capers er æðisleg blanda

Setjið pastað á disk & túnfisksósuna yfir, stráið parmegano & saxaðri steinselju yfir diskinn.

IMG_3360

Fallegur & yndislega bragðgóður pasta réttur

Ég tók með þessu létt & gott rauðvín sem fór vel með túnfisksbragðinu.

Ef ykkur langar að kynnast Tariello betur getið þið gert það hér

 

 

Share the love: Share on FacebookShare on Google+Tweet about this on TwitterShare on LinkedInPin on PinterestEmail this to someonePrint this page