Hjartað í æskulýðsstarfi Íslands að mínu mati slær hjá félagssamtökum Kfum & K
Fjölmargir Íslendingar ungir sem aldnir hafa upplifað æskuna í gegnum sumarbúðir Kfum & K eins & Vatnaskóg, Vindáshlíð, Hólavatn, Ölver & Kaldársel. Margir eiga yndislegar minningar af sumardvöl sinni þaðan ásamt fjölbreyttu daglegu starfi samtakana.
Höfuðstöðvar Kfum & K á Íslandi eru á Holtaveginum í mjög fallegu húsi.
Tómas Torfason framkvæmdarstjóri Kfum & K á Íslandi fékk mig á dögunum til að koma að viðmótsbreytingum á húsnæðinu & setja það í hlýlegri upplifun, en langt var síðan einhverjar breytingar höfðu verið gerðar á alrými höfuðstöðvana. Markmiðið var að breyta frekar köldu svæði í hlýlegt, vinalegt og mjög aðlaðandi umhverfi. Ég segi alltaf að þegar umhverfið breytist, breytumst við í umhverfinu.
Aðkoma & inngangur fyrir breytingar.
Fyrsta upplifunin sem tekur á móti þér þegar komið er inn í alrými höfuðstöðvanna var frekar kalt & ekkert sérlega aðlaðandi, þar ákvað ég að mála vegginn & koma fyrir fallegum minningum & hlutum sem eru í eigu Kfum & K svo að allir fengu að upplifa þessa mögnuðu sögu sem er til staðar.
Aðkoma & inngangur eftir breytingar.
Aðkoman orðin hlýlegri & fallegar minningar um söguna komin á vegginn, ásamt sætum fyrir fólk á móti móttökunni. Veggirnir málaðir í mínum uppáhalds gráa lit pigeon gray & er 7% mattur sem gefur honum hlýja & fallega áferð.
Alrýmið fyrir breytingar.
Alrýmið sem er mest notað vildi ég gera að hlýlegri kaffihúsa stemningu & þegar umhverfið breytist, breytumst við í notkun á umhverfinu. Þarna kemur mikið saman æsku & ungliða starf Kfum & K & var mikil áhersla að gera þetta rými sem mest aðlaðandi fyrir það, svo að upplifunin & nýtingin á rýminu væri eitthvað sem allir yrðu stoltir af.
Alrými eftir breytingar.
Komin lítil hlýleg kaffihúsa upplifun, rammað inn með sófa, mottu & tveimur stólum á móti. Ásamt einum af mínum uppáhalds stólum við borðin. Öll húsgögn eru fengin frá Húsgagnahöllinni.
Ég málaði alla bita í þessu rými svarta til að ná fram sterkari svip með gráa litnum. Á endanum er síðan nauðsynlegt að setja grænar & hlýlegar plöntur sem setja punktinn fyrir andrúmsloftið sem ég vildi ná þarna inn.
Einnig var salurinn stúkaður af að hluta með því að búa til fundaraðstöðu með litlum vegg & hurð ásamt gleri til að flæðið héldi áfram í gegn. Aðstaða starfsfólks Kfum & K breyttist þannig einnig til muna, nú er hægt að tylla sér á minni spjallfundi í sófanum eða á kaffihúsinu & svo einnig loka af stærri fundi.
Persónulegir munir Sr Friðriks.
Kjallari höfuðstöðva Kfum & K er eitt besta geymda leyndarmál í sögu æskulýðsstarfs á Íslandi, þar eru ótrúlegustu bækur & persónulegir munir frumkvöðuls Íslands í æskulýðsmálum Sr Friðriks.
Ég hef sjaldan orðið jafn æstur eins & þegar ég steig þarna inn fyrst fyrir því að taka út hluti til að gera þessa sögu aðgengilegri öllum sem koma í höfuðstöðvarnar & stilla upp í hillur & hengja myndir á veggi. Þetta eru svo magnaðir hlutir eins og t.d hin íslenska fálkaorða Sr Friðriks. Þarna má sjá ferðakistillinn hans einnig ásamt fullt af sjaldgæfum biblíum & bókum.
Fálkaorða Sr Friðriks.
Fágætar bækur & mynd af Sr Friðrik með fálkaorðuna.
Sr Friðrik.
Myndir úr sögu félagsins.
Ótrúlega fallegir munir leynast í höfuðstöðvunum.
Þetta verkefni var einstaklega gott fyrir hjartað og að vinna það með Tómasi Torfasyni framkvæmdarstjóra Kfum & K var sönn ánægja & virkilega gefandi í samtölum & visku.
Hjartað mitt liggur hjá þessum fallegu æskulýðssamtökum, sérstaklega út frá því að þau reka einnig einkarekna leikskólann Vinagarð við Holtaveginn sem bæði Natalía París & Kiljan Gauti voru í & get ég staðfest það að hann er klárlega besti leikskóli sem þetta land hefur að geyma. María Sighvatsdóttir & allt hennar starsfólk er það magnaðasta sem ég hef kynnst & þakka ég hjartalagi barna minn þeim algjörlega ásamt auðvitað fallegu uppeldi yndislegrar móður & föðurs.
Einnig hvet ég alla sem vilja kynna sér sumarbúðastarf Kfum & K að gera það HÉR
Síðas en ekki síst langar mig sérstaklega að vekja athygli á Sæludögum í Vatnaskógi um Verslunarmannahelgina, en þar hef ég farið með París & Kiljan öll síðustu ár á vímuefnalausa frábæra fjölskylduskemtunn í einni af stórfengilegustu náttúruperlu þessa lands.
