Geggjaðar breytingar á eldhúsi.
Síðustu daga hef ég verið að klára breytingar á eldhúsi fyrir yndislega fjölskyldu. Eldhúsið var komið til ára sinna & var farið að sjá svoldið á því. Allar innrétingar voru í eik sem var orðin gulnuð & borðplatan búin að skila sínu. Ég þurfti að hugsa þetta verkefni út frá hagkvæmnissjónarmiðum sem er alltaf skemtilegast þegar vel tekst til.
Fyrir breytingar
Eftir breytingar
Mig langaði að hafa þetta eldhús með öðruvísi stíl & áhvað að parketleggja loftið með gráu parketi.
Fyrir valinu varð plastparket frá Ikea & ég fékk góða hjálp við að útfæra hvernig það yrði fest í loftið. Ég hef oft notað þetta plastparket en þá alltaf á gólf eða veggi og nota ég þiljugrip til að líma það á veggina. Það er hægt er að nota þetta skemtilega efni á marga vegu og það er mjög hagkvæmt. Á sýnum tíma parketlagði ég tvo veggi inná baðberbergi hjá mér & virkaði það ótrúlega vel. Eftir miklar pælingar & ráðleggingar enduðum við á að leysa þetta með að skrúfa fjalirnar uppí loftið.
Geggjað grátt parket frá Ikea í loftinu.
Ég skipti út ljósunum fyrir þessu flottu gráu ljós frá Ikea.
Loftið fyrir breytingar
Ég skipti út borðblotunum í flottar gráar plötur með eikarkanti sem ég fékk í Ikea
Ný borðplata frá Ikea
Ég fékk svo algjöran snilling til að mæta til okkar & plasta allar innréttingar. Ómar hjá innréttinga klæðning er súper vandvirkur & skemtilegur gaur að vinna með. Hann plastaði alla innréttinguna & hurðina. Það er til fullt af litum & áferðum á þessum filmum sem hann notar, hann getur allt þessi gaur.
Plöstunin á innréttingunni kemur ótrúlega vel út
Innréttingarnar fyrir klæðningu
Við máluðum síðan eldhúsið í fallega gráum lit sem við teygðum inn í borðstofuna. Eins & svo oft áður fékk ég aðstoð frá mínum yndislega Kiljan Gauta við framkvæmdirnar.
Arnar Gauti & Kiljan Gauti að taka þetta saman
Þegar allt var klárt þá kom að skemtilegasta partinum sem er að skreyta eldhúsið með hillum, myndum & fallegum munum.
Ég skipti einnig um kranan fyrir vaskinn sem kemur ótrúlega flott út, ég fékk hann einnig í Ikea.
Flottur veggur
Ég setti upp mynda hillur frá Ikea fyrir matreiðslubækur & notaði flott box sem voru til fyrir á heimilinu til að skreyta eldhúsið.
Flott hugmynd með Omaggio vasan
Borðplatan var lengd til að gefa meira pláss í eldhúsinu, við settum skemtilegan ferðabar þar undir.
Það er allt hægt þegar maður fær góða hjálp, hérna eru faðir & bróðir húsfreyjunar sem létu þetta allt verða að veruleika.
Æðisleg breyting fyrir lítinn pening
Það sem réði því að þau fóru í þessar breytingar var að við gerðum þetta stylish en mjög hagkvæmt. Það er alltaf ótrúlega gaman þegar svona miklum breytingu er lokið & fjölskyldan sátt með nýja eldhúsið sitt. Það er allt hægt með góðum hugmyndum & vilja fyrir hendi. Mér þykir mjög vænt um þetta verkefni & tíman sem ég átti með fjölskyldunni við breytingarnar.
Umfjöllun Mörtu Maríu á smartlandi má sjá hér
Fyrirspurnir um ráðgjöf & tilboð í verkefni frá Arnari Gauta sendist á arnargauti@sirarnargauti.is
